យុវជនឆ្នើម

សបា្តហ៍ទី៨៖ អ្នកដែលក្លាយជាយុវជនឆ្នើម…

doubleu — Mon, 19 Mar 2007 06:35:25 +0000

សប្តាហ៍ទី៨ : តើ កញ្ញា ពិសី ឬ សុខសាន្ត ដែលត្រូវទៅអាមេរិក?

កាលពី សបា្តហ៍ទី៦ ក្នុងវិញ្ញាសា “ រៀបចំសិក្ខាសាលា” ភារៈ និង សុវត្ថា បានត្រលប់ទៅផ្ទះវិញ ចំនែកឯក្រុមឈ្នះដែល បានទៅជិះសេះកំសាន្ត និងយកអំណោយមានតំលៃប្រមាណ៧៥០ ដុល្លាសហរដ្ឋអាមេរិកដើម្បីចែកជូនដល់ប្អូនៗកុមារកំព្រានៅ មណ្ឌលកុមារកំព្រានៅស្រុកបាទី ខេត្តតាកែវដោយមានការចូលរួមដោយតារាភាពយន្តដ៏ល្បីផងដែរ ។

សំរាប់សប្តាហ៍ នេះបេក្ខជននៅសល់តែ៤នាក់បន្ទាប់ពី២រូបត្រូវបានទំលាក់ពីការ ប្រកួតជាបន្តទៀត ។ នៅសប្តាហ៍ទី៧ នេះ វិញ្ញាសារសំរាប់បេក្ខជនទាំងអស់គឺ “ ការបង្កើតនូវសារ និងរូបភាពដើម្បី ផលិតជាខិត្តប័ណ្ណផ្សព្វផ្សាយប្រឆាំងនឹងការជួញដូរកុមារ (Developing Message)” ។ បេក្ខជនម្នាក់ៗនឹងទទួលបានវគ្គហ្វឹកហ្វឺន និងមានវិចិត្រករម្នាក់មួយមកពីសាកលវិទ្យាល័យវិចិត្រសិល្បៈ ដើម្បីជួយគូរគំនូរទៅតាមការចង់បាន និងយល់ឃើញរបស់បេក្ខជននីមួយៗ ។

ចៅ ក្រុមទាំងបីមានលោក ជា សំណាង កញ្ញា សេង ធារី និង លោក ម៉ាក សារ៉ាត ជាចៅក្រមសំរេចលើ ការដកបេក្ខជន២រូបទៀតពីការប្រកួតដូចសប្តាហ៍ មុនៗដែរ ។

ព្រឹក ព្រលឹមថ្ងៃទី៦ ខែមិនា បានមកដល់ បេក្ខជនទាំងអស់ជួបជុំគ្នានៅមុខសារមន្ទី ជាតិ ដើម្បីរង់ចាំជួបជាមួយនឹងចៅក្រមទាំងបី ។ ពេលវេលាបានមកដល់ ចៅក្រមទាំង៣ក៏បានបង្ហាញខ្លួន រួមជាមួយវិចិត្រករប្រាំរូបដើម្បីអោយបេក្ខជនជ្រើសរើសយកមក ធ្វើការជាមួយខ្លួន ។ វិចិត្រករទាំងអស់បានតាំងបង្ហាញនូវស្នាដៃរបស់ខ្លួនដើម្បីអោយ បេក្ខជនទាំងអស់ពិនិត្យមើល និងធ្វើការជ្រើសរើស ។ ខុសពីសព្វមួយដង ក្នុងសប្តាហ៍នេះពុំមានការបែងចែកក្រុមឡើយ ។ បេក្ខជនទាំងបួននឹងធ្វើការរៀងៗខ្លួនដើម្បីទទួលបានជ័យជំនះ តាមរយៈទេព្យកោសល្យរបស់ខ្លួន ។

វគ្គហ្វិកហ្វឺនស្តី ពី “ ការបង្កើតសារ Developing Message” ត្រូវបានសំរបសំរួលដោយ លោក យាប់ មេត្តា ជាមន្ត្រីកម្មវិធីតស៊ូមតិរបស់អង្គការ PACT Cambodia។ ក្នុងរយៈពេលពេញមួយព្រឹក បេក្ខជនទាំង៤រូបបានខិត្តខំត្រង់ត្រាប់បទបង្ហាញ និងបទពិសោធន៍ល្អជំវិញប្រធានបទ។

ដូចសប្តាហ៍ មុនៗដែរ ក្រុមទាំង៤មានពេលមួយល្ងាចសំរាប់រៀបចំដូចជា ការរៀបចំសារ ការពន្យល់ដល់វិចិត្រករអំពីអ្វីដែលគេចង់បានជារូបគំនួរទាក់ទងនិងការប្រឆាំងការជួញដូរកុមារ ការរៀបចំសារ និងរៀបចំរូបរាងខិត្តប័ណ្ណ អោយមានភាព ទាក់ទាញ និងងាយស្រួលយល់ដល់សាធារណៈជន។ សូមបញ្ជាក់ផងដែរថារូបគំនូរនិងសារដែលជាប់ចំណាត់ថ្នាក់លេខមួយ នឹងយកទៅបោះពុម្ភជាខិត្តប័ណ្ណដើម្បីចែកចាយដល់ប្រជាពលរដ្ឋអោយ បានយល់ដឹង និងចូលរួមទាំងអស់គ្នាដើម្បីទប់ស្កាត់ការជួញដូរកុមារនៅកម្ពុជា។

បន្ទាប់ពី ចំណាយពេលអស់មួយល្ងាច បេក្ខជនទាំងបួនក៏សំរេចកិច្ចការរបស់ខ្លួនបានគឺការផលិតផ្ទាំង គំនូរ និងសារសំរាប់បោះពុម្ភជាខិត្តប័ណ្ណ ។

ដើម្បី ធ្វើការជ្រើសរើសយកអ្នកឈ្នះពីររូប និងអ្នកដែលត្រលប់ទៅផ្ទះចំនួន២រូបផងដែរនោះ កម្មវិធីបានកំនត់យកគំនូរទាំង៤ផ្ទាំងដាក់តាំងបង្ហាញដល់និ ស្សិតនៅបរិវេណសាកលវិទ្យាល័យបឿលប្រាយដើម្បីធ្វើការបោះឆ្នោត វាយតំលៃ ។

ពិន្ទុដែល បានមកពីការបោះឆ្នោតរបស់និស្សិត និងសាធារណៈជននឹងត្រូវយកមកបូកបញ្ចូលជាមួយពិន្ទុរបស់ចៅក្រម ដើម្បីកំនត់ថាបេក្ខជនណាជាអ្នកឈ្នះ ។ តាមការកាត់សេចក្តី កញ្ញាពិសី និង សុខសាន្ត បានពិន្ទុច្រើនជាងគេ ។ នៅក្នុងបន្ទប់របស់ចៅក្រម អ្នកដែលត្រូវបានអោយត្រលប់ទៅ ផ្ទះវិញ គឺ កញ្ញា ស៊ុំ កល្យាណ និង ហ៊ុយឡេង ។

សំ រាប់ជារង្វាន់ដល់អ្នកបានជ័យជំនះ រូបគំនូររបស់សុខសាន្តត្រូវបានយកទៅបោះពុម្ភជាខិត្តប័ណ្ណ ផ្សព្វផ្សាយដល់សាធារណៈជនដោយមានការសហការចូលរួមរបស់អង្គការ ជួយកុមារងាយរងគ្រោះ (VCAO) ។

សុខ សាន្ត និង ពិសីទទួលរង្វាន់លើកទឹកចិត្តសំរាប់សប្តាហ៍នេះដោយការជិះយន្ត ហោះធុនត្ូចកំសាន្តពីលើក្រុងភ្នំពេញ និងបានទទួលការហ្វឹកហ្វឺនពីក្រុមហ៊ុន Royal Air Service អំពីការបើកបរយន្តហោះទៀតផង ។

តើរូបគំនូរមួយណាដែលអ្នកចូលចិត្ត?

doubleu — Wed, 07 Mar 2007 02:25:49 +0000

ទាំងនេះជារូបគំនូរដែលបង្ហាញពីការប្រឆាំងការជួញដូរមនុស្ស។ សូមជួយជ្រើសរើសយករូបមួយដែលអ្នកចូលចិត្ត!

តើរូបគំនូរមួយណាដែលអ្នកចូលចិត្ត?
១) រូបទី១
២) រូបទី២
៣) រូបទី៣
៤) រូបទី៤ មើលលទ្ធផល

សប្តាហ៍ទី៦

doubleu — Mon, 05 Mar 2007 04:01:37 +0000

សប្តាហ៍ទី៦ : ភារៈ និង សុវត្ថា ត្រលប់ទៅផ្ទះវិញ

កាលពី សបា្តហ៍ទី៥ ក្នុងវិញ្ញាសា “ ប្រមូល SMS” សុជាតា និង សុគន្ធារី បានត្រលប់ទៅផ្ទះវិញ ចំនែកឯក្រុមឈ្នះដែលបានទៅជិះ ហ្កូខាត នៅឯកំបូលយ៉ាងសប្បាយរីករាយ ។

សំរាប់សប្តាហ៍ នេះបេក្ខជននៅសល់៦នាក់បន្ទាប់ពី២រូបត្រូវបានទំលាក់ពីការ ប្រកួតជាបន្តទៀត ។ នៅសប្តាហ៍ទី៦ នេះ វិញ្ញាសារសំរាប់បេក្ខជនទាំងអស់គឺ “ ការរៀបចំសិក្ខាសាលា” ដែលនឹងមានសិក្ខាកាមចូលរួមប្រមាណ១០០នាក់មកពីសាកលវិទ្យាល័យ នានាក្នុងទីក្រុងភ្នំពេញ ។ សិក្ខាកាមទាំង១០០នាក់នឹងជាអ្នកសំរេចក្រុមចាញ់ឈ្នះដោយការ អោយពិន្ទុតាមរយៈបទបង្ហាញ របៀបរបបរៀបចំ ការទំនាក់ទំនងជាមួយសិក្ខាកាម និងការគ្រប់គ្រងពេលវេលា ។ល។

ក្នុង សប្តាហ៍នេះបេក្ខជនទាំងអស់ចាប់ឆ្នោតបែងចែកក្រុមនិងរើស ប្រធានក្រុមរបស់ខ្លួនរួមគ្នាតែម្តង ។ ជាពិសេសក្នុងសប្តាហ៍នេះកញ្ញាទាំងពីរដែលនៅសល់ក្នុងការប្រ កួត គឺ កញ្ញា ប៉ុន ពិសី ជាប្រធានក្រុមហ៊្វូណន ដែលមានលោក សុខសាន្ត និង លោក ហ៊ុយឡេង ចំនែកឯ កញ្ញា ស៊ុំ កល្យាណ ជាប្រធានក្រុមចេនឡា ដែលមានសមាជិក២រូបទៀតគឺ លោក ចំរើនភារៈ និង លោក សុវត្ថា ។ លោក ជា សំណាង ប្រគល់ថវិកា៥០ដុល្លារ សំរាប់ក្រុមនីមួយៗដើម្បីទុកចំណាយលើការរៀចចំសិក្ខាសាលាដែល មានរយៈពេលមួយម៉ោងសំរាប់ក្រុមនីមួយៗ ។

អានត。。。

សប្តាហ៍ទី៥

doubleu — Tue, 27 Feb 2007 10:51:18 +0000

សប្តាហ៍ទី៥ : សុជាតា និង សុគន្ធារី ត្រលប់ទៅផ្ទះវិញ

កាលពី សបា្តហ៍ទី៤ ក្នុងវិញ្ញាសា “ផលិតបទយកការណ៍តាមទូរទស្សន៍” សារ៉ាត និង គារ៉ា បានត្រលប់ទៅផ្ទះវិញ ចំនែកឯក្រុមឈ្នះដែលបានទៅវាយកូនហ្កូលនៅឯកំពង់ស្ពឺជាមួយលោក នាយកចាត់ចែង លោក វិន តាយ របស់ Cambodia Golf & Country Club ។

សំរាប់សប្តាហ៍ នេះបេក្ខជននៅសល់៨នាក់បន្ទាប់ពី២រូបត្រូវបានទំលាក់ពីការ ប្រកួតជាបន្តទៀត ។ នៅសប្តាហ៍ទី៥ នេះ វិញ្ញាសារសំរាប់បេក្ខជនទាំងអស់គឺ “ការប្រមូល SMS” ដើម្បីរកថវិការជួយដល់សិស្សានុសិស្សនៅសាលាបឋមសិក្សាមណ្ឌលអភិ វឌ្ឍន៍ស្រែអំពិល និងរៀបចំទីលានកំសាន្តសំរាប់សាលា ។

ចៅ ក្រុមទាំងបីមានលោក ជា សំណាង កញ្ញា សេង ធារី និង លោក ម៉ាក សារ៉ាត ជាចៅក្រមសំរេចលើ ការដកបេក្ខជន២រូបទៀតពីការប្រកួតដូចសប្តាហ៍ មុនៗដែរ ។ ក្នុងសប្តាហ៍នេះបេក្ខជនទាំងអស់ចាប់ឆ្នោតរកប្រធានក្រុមជា មុន ទើបប្រធានក្រុមជ្រើសរើសកូនក្រុមម្នាក់ម្តងៗ។ លោក ស៊ុន សុវត្ថា ជាប្រធានក្រុមចេនឡា ដែលមានសមាជិក៣រូបទៀតគឺ ១ ស៊ុំ កល្យាណ និង ២ ហ៊ីង សុខសាន្ត ៣ កញ្ញា ប៉ុន ពិសី ។ កញ្ញា ហេង សុជាតា ជាប្រធានក្រុមហ្វូណន ដែលមានសមាជិក ៣នាក់ផ្សេងទៀតគឺ ១ អេង ហ៊ុយឡេង ២ សួន ចំរើនភារៈ និង៣ កញ្ញា ព្រំ សុគន្ធារី ។ លោក ជា សំណាង ប្រគល់ថវិកា៥០ដុល្លារ សំរាប់ក្រុមនីមួយៗដើម្បីទុកចំណាយលើការរៀចចំ ។

អានត…

សបា្តហ៍ទី៤

doubleu — Wed, 21 Feb 2007 06:26:23 +0000

សប្តាហ៍ទី៣ : សារ៉ាត និង គារ៉ា ត្រលប់ទៅផ្ទះវិញ

សំណួរប្រចាំសប្តាហ៍ទី៤៖ តើបេក្ខជនឬបេក្ខនារីមួយរូបណាដែលថិតនៅក្នុងក្រុមចាញ់ទាំង៤សប្តាហ៍ជាប់ៗគ្នា? ចុចត្រង់នេះដើម្បីឆ្លើយ ។ រង្វាន់៖ ការអញ្ជើញចូលទស្សនាការថតរបស់កម្មវិធីយុវជនឆ្នើមនៅបុស្តិ៍ លេខ៥ និងទទួលបាន VCD ទាំង៨សប្តាហ៍របស់កម្មវិធី ។

កាលពី សបា្តហ៍ទី៣ ក្នុងវិញ្ញាសា “ពិភាក្សា (Debate)” ម៉ាលីន និងស្រីនាង បានត្រលប់ទៅផ្ទះវិញ ចំនែកឯក្រុមឈ្នះដែលសុទ្ធជាបេក្ខជនបានចូលជួបជាមួយលោកអគ្គរដ្ឋទូតរបស់សហរដ្ឋអាមេរិកប្រចាំព្រះរាជាណាចក្រកម្ពុជា នៅគេហដ្ឋានរបស់លោកផ្ទាល់ ។

សំរាប់សប្តាហ៍ នេះបេក្ខជននៅសល់១០នាក់បន្ទាប់ពី២រូបត្រូវបានទំលាក់ពីការ ប្រកួតជាបន្តទៀត ។ នៅសប្តាហ៍ទី៤នេះ វិញ្ញាសារសំរាប់បេក្ខជនទាំងអស់គឺ “ការផលិតបទយកការណ៍ទូរទស្សន៍ដែលមានរយៈពេល៣នាទី” ។

ចៅ ក្រុមទាំងបីមានលោក ជា សំណាង កញ្ញា សេង ធារី និង លោក ម៉ាក សារ៉ាត ជាចៅក្រមសំរេចលើការដកបេក្ខជន២រូបពីការប្រកួតដូចសប្តាហ៍ មុនៗដែរ ។ ក្នុងសប្តាហ៍នេះការបែងចែកក្រុមខុសពីសប្តាហ៍មុន គឺបេក្ខជនទាំងអស់ចាប់ឆ្នោតរកប្រធានក្រុមជាមុន ទើបប្រធានក្រុមជ្រើសរើសកូនក្រុមម្នាក់ម្តងៗ។ លោកស៊ន សារ៉ាតជាប្រធានក្រុមហ្វូណន ដែលមានសមាជិក៤រូបទៀតគឺ ១ កូវ គារ៉ា ២ ស៊ុំ កល្យាណ ៣ ព្រំ សុគន្ធារី និង ៤ ហ៊ីង សុខសាន្ត ។ កញ្ញា ប៉ុន ពិសី ជាប្រធានក្រុមចេនឡា ដែលមានសមាជិក ៤នាក់ផ្សេងទៀតគឺ ១ អេង ហ៊ុយឡេង ២ ស៊ុន សុវត្ថា ៥ សួន ចំរើនភារៈ និង ហេង សុជាតា។ លោក ជា សំណាង ប្រគល់ថវិកា៥០ដុល្លារ សំរាប់ក្រុមនីមួយៗដើម្បីទុកចំណាយលើការរៀចចំ ។

អានត…

សបា្តហ៍ទី៣

doubleu — Tue, 13 Feb 2007 11:10:05 +0000

សប្តាហ៍ទី៣ : ម៉ាលីន និង ស្រីនាង ត្រលប់ទៅផ្ទះវិញ

កាលពី សបា្តហ៍ទី២ ក្នុងវិញ្ញាសា “ ប្រមូលហត្ថលេខាដើម្បីសំអាតសហគមន៍” វណ្ណយ៉ា និងសុផាបានត្រលប់ទៅផ្ទះវិញ ចំនែកឯក្រុមឈ្នះបានទទួលអាហារពេលល្ងាច និងច្រៀងខារ៉ាអូខេកំសាន្តជាមួយលោក សំពូន មីដាដា ។

សប្តាហ៍ នេះបេក្ខជននៅសល់១២នាក់បន្ទាប់ពី២រូបត្រូវបានទំលាក់ពីការ ប្រកួត ។ នៅសប្តាហ៍ទី៣នេះ វិញ្ញាសារសំរាប់បេក្ខជនទាំងអស់គឺ “ ការពិភាក្សា (Debate)” ទៅលើប្រធានបទចំនួន៥គឺ តើស្ត្រីអាចក្លាយជាមេដឹកនាំកំពូលបានទេ? តើច្បាប់ប្រឆាំងនឹងសាហាយស្មន់ចាំបាច់ឬទេ? តើច្បាប់កាតព្វកិច្ចយោធាចាំបាច់ឬទេ? តើគួរបញ្ចូលការអប់រំសុខភាពផ្លូវ ភេទទៅក្នុងការសិក្សាថ្នាក់វិទ្យាល័យឬទេ? តើគួរមានការសិក្សាអោយមានស៊ីជំរៅនៅក្នុងការសិក្សាឬទេ?។

ចៅក្រុម ទាំងបីមានលោក ជា សំណាង កញ្ញា សេង ធារី និង លោក ម៉ាក សារ៉ាត ជាអ្នកសំរេចលើការដកបេក្ខជន២រូបពីការប្រកួតដូចសប្តាហ៍មុន ៗដែរ ។ ក្នុងសប្តាហ៍នេះការបែងចែកក្រុមខុសពីសប្តាហ៍មុន គឺចៅក្រមអោយបេក្ខជនទាំងអស់បែងចែកជា២ក្រុម ក្រុមបេក្ខនារីមួយក្រុម ជាក្រុមហ្វូណន និងក្រុមបេក្ខជនជាក្រុមចេនឡា ។ បន្ទាប់មកក្រុមទាំង២ជ្រើសរើសប្រធានក្រុមរបស់ខ្លួន កល្យាណ ត្រូវបានជ្រើសរើសជាប្រធានក្រុមបេក្ខនារី និងហ៊ុយឡេង ជាប្រធានក្រុមបេក្ខជន ។ លោក ជា សំណាង ប្រគល់ថវិកា៥០ដុល្លារ សំរាប់ក្រុមនីមួយៗដើម្បីទុកចំណាយលើការរៀចចំ ។

អានត…

សបា្តហ៍ទី២

doubleu — Tue, 06 Feb 2007 07:38:12 +0000

សប្តាហ៍ទី២ : វណ្ណយ៉ា និង សុផា ត្រលប់ទៅផ្ទះវិញ

កាលពី សបា្តហ៍ទី១ ក្នុងវិញ្ញាសា “ រៃអង្គាសប្រាក់” សុភី និងមិនាបានត្រលប់ទៅផ្ទះវិញ ចំនែកឯក្រុមឈ្នះបានទទួលអាហារពេលល្ងាចជាមួយលោកជំទាវ អឹង កន្ថាផាវី រដ្ខមន្ត្រីក្រសួងកិច្ចការនារី ។

សប្តាហ៍ នេះបេក្ខជននៅសល់១៤នាក់បន្ទាប់ពី២រូបត្រូវបានទំលាក់ពីការ ប្រកួត ។ នៅសប្តាហ៍ ទី២ វិញ្ញាសារសំរាប់បេក្ខជនទាំងអស់គឺ “ យុទ្ធនាការប្រមូលហត្ថលេខា” ដើម្បីសំអាតសហគមន៍នៅក្បែររោងចក្រកាត់ដេរប្រាំមួយជាន់តាម ផ្លូវវេងស្រេងក្នុងសង្កាត់ចោមចៅ ខណ្ឌមានជ័យ។

ចៅក្រម ទាំងបីមានលោក ជា សំណាង កញ្ញា សេង ធារី និង លោក ម៉ាក សារ៉ាត ជាអ្នកសំរេច…

សំរាប់ ក្រុមឈ្នះ ហ្វូណនទទួលបានរង្វាន់លើកទឹកចិត្ត “ ទទួលអាហារពេលល្ងាចជាមួយតារាចំរៀង សំពូន មីដាដា និងច្រៀងខារ៉ាអូខេផងដែរ” ។ នៅក្នុងទូរទស្សន៍ លោកសំពូនមីដាដាថែមទាំងលេងហ្គីតានិងច្រៀងបទចំរៀងដ៏ពិរោះ ទៀតផង ។ លោកសំពូន មីដាដា ដែលជាអ្នកចំរៀងដ៏មានប្រជាប្រិយភាពបំផុតក្នុងប្រទេស និងជាពិសេសក្នុងចំនោមយុវជន ត្រូវបានទទួលស្គាល់ពីមជ្ឈដ្ឋានទូទៅថាគាត់ជាអ្នកចូលចិត្ត ចូលរួមចំនែកក្នុងកិច្ចការអភិវឌ្ឍសង្គមនិងកិច្ចការជាមួយយុវជនផង ដែរ ។

អានត…

សបា្តហ៍ទី១

doubleu — Sat, 27 Jan 2007 10:17:30 +0000

សប្តាហ៍ទី១ : សុភី និង មិនា ត្រលប់ទៅផ្ទះវិញ

នៅក្នុងសបា្តហ៍ទីមួយ លោក ជា សំណាង បានប្រគល់កិច្ចការសំខាន់មួយគឺ ការរៃអង្គាសប្រាក់ជួយដល់កុមារកំព្រានៅអង្គការគ្រួសារថ្មី ដល់បេក្ខជនទាំង១៦រូប ។

ចៅក្រម ទាំងបីនាក់ ដែលមាន លោក ជា សំណាង ក. សេង ធារី និង លោក ម៉ាក សារ៉ាត មានវត្តមាននៅក្នុងការរៀបចំបែងចែកបេក្ខជនទាំងអស់ជា២ក្រុមដែល មានគ្នា៨នាក់ ។ ជាដំបូងបេក្ខជនទាំងអស់ចាប់ឆ្នោតដើម្បីរកប្រធានក្រុម ។ ក្រោយពេលរកបានប្រធានក្រុម ប្រធានក្រុមទាំង២រើសសមាជិកក្រុមខ្លួនម្តងម្នាក់ៗសំរាប់រៀបចំ ការប្រកួត ។

លោក ជា សំណាង ដាក់ឈ្មោះក្រុមដែលមាន ក. ព្រំ សុគន្ធារី ជាប្រធាន ថា ក្រុមហ្វូណន និង ក្រុមមួយទៀតដែលមានបុរសជាប្រធានគឺ លោក សួន ចំរើនភារៈ ថា ក្រុមចេនឡា ។ ក្រោយពីស្តាប់ការណែនាំរបស់ចៅក្រមទាំង៣រូប ក្រុមនីមួយៗទទួលថវិការ៥០ដុល្លារ ដើម្បីទុកចំណាយលើការរៀចចំ ។

បន្ទាប់ពីការ បែងចែកក្រុម និងទទួលវិញ្ញាសារ ក្រុមទាំង២ក៏ចូលរួមក្នុងសិក្ខាសាលាខ្លីរយៈពេល២ម៉ោងស្តីពី “ការរៃអង្គាសប្រាក់” ដែលសំរបសំរួលដោយ…

អានត…

ហ៊ុល ស្រីនាង

doubleu — Sat, 27 Jan 2007 08:41:46 +0000

ស្រីនាងមានអាយុ ២០ឆ្នាំ មានស្រុកកំនើតនៅទីក្រុងភ្នំពេញ សព្វថ្ងៃជានិស្សិតឆ្នាំទី១នៅសាកលវិទ្យាល័យបៀលប្រាយ ។

មតិរបស់ស្រីនាង
អំពីការចូលរួមក្នុងកម្មវិធីយុវជនឆ្នីម៖
កត្តាដែលជំរុញទឹកចិត្តនាងចូលរួមការប្រកួតប្រជែងនេះ ដោយកត្តាទីមួយ គឺដោយសារតែកម្មវិធីនេះល្អណាស់ ព្រោះការប្រកួតប្រជែងលើសមត្ថភាពមេដឹកនាំទើបតែមាន ហើយវាមានសារសំខាន់សម្រាប់ប្រទេសនីមួយៗ ការប្រកួតប្រជែងនេះនឹងធ្វើឲ្យយើងជ្រើសបានមេដឹកនាំដែលមានសមត្ថភាពពិត ហើយពេលណាមានមេដឹកនាំដែលមានសមត្ថភាពពិតនោះ សង្គមពិតជាមានការអភិវឌ្ឍន៍ទៅមុខរហូត ។
កត្តាទីពីរ គឺចង់ដឹងពីសមត្ថភាពផ្ទាល់ខ្លួន ថាតើខ្ញុំមានសមត្ថភាពដឹកនាំគេបានដែរឬអត់ ព្រោះខ្ញុំមានគោលបំណងចង់បើកក្លឹបមួយ ។
កត្តាទីបី គឺជាបទពិសោធន៍ និង ការបង្កើនចំណេះដឹង ព្រោះខ្ញុំយល់ថា ប្រសិនជាខ្ញុំចូលរួមប្រកួត ខ្ញុំច្បាស់ជាទទួលបានបទពិសោធន៍ ទោះបីជាខ្ញុំធ្លាក់ ឬ ជាប់ក៏ដោយគ្រាន់តែថា បទពិសោធន៍នោះវាតិច ឬ ច្រើនតែប៉ុណ្ណោះ ចំពោះបទពិសោធន៍ ខ្ញុំធ្លាប់មានខ្លះមកហើយ ទើបខ្ញុំចូលរួមក្នុងការប្រកួតប្រជែងនេះ ព្រោះខ្ញុំអាចដឹងខ្លះៗពីមេដឹកនាំ វាពិតជាមានការលំបាកណាស់ ព្រោះវាទាមទារភាពអំណត់ និង ពេលវេលាច្រើន ។
អំពីភាពជាអ្នកដឹកនាំ ៖
មេដឹកនាំសំដៅទៅលើមនុស្សដែលប្រកបដោយលក្ខណៈសម្បត្តិគ្រប់គ្រាន់ ទាំងចំណេះវិជ្ជា ទាំងចរិយាសម្បត្តិ អាចគ្រប់គ្រង និង ដឹកនាំកិច្ចការអ្វីមួយបានហើយជាទូទៅមិនថានៅក្នុងគ្រួសារ សហគមន៍ ក៏ដូចជានៅក្នុងប្រទេសជាតិចាំបាច់ត្រូវការអ្នកដឹកនាំដែលប្រកបទៅដោយសមត្ថភាព ចំណេះដឹង បទពិសោធន៍ និង មានសីលធម៌ថ្លៃថ្នូរ ដូចនេះដើម្បីឲ្យក្លាយជាមេដឹកនាំល្អម្នាក់គួរតែមានគុណសម្បត្តិដូចជា ៖
- ចេះដឹកនាំ និង គ្រប់គ្រងប្រកបដោយបទពិសោធន៍
- គោរពច្បាប់រដ្ឋធម្មនុញ្ញ
- ស្គាល់បញ្ហា និង សេចក្ដីត្រូវការរបស់សង្គម សហគមន៍ សមាគមន៍ អង្គការ និង នៅតាមអង្គការផ្សេងៗទៀត ។
អំពីបទពិសោធន៍ ៖
- ធ្លាប់ធ្វើជាមេដឹកនាំនៅមជ្ឈមណ្ឌលកុំព្យូទ័របាក់ទូក
- ធ្លាប់ធ្វើការនៅក្រុមហ៊ុន Mike Allan International Corporate Consultants pte ដែលការដឹកនាំនោះមានការលំបាកខ្លះ ព្រោះខ្ញុំត្រូវប្រើពេលច្រើនដូចជា ដំបូងហៅពួកគេមកជួបជុំគ្នាហើយផ្ដល់ព័ត៌មានជូនពួកគេព្រមទាំងរៀបចំ និង មើលឯកសាររបស់ពួកគេថាតើគេមានគ្រប់ ឬ អត់ បន្ទាប់មកត្រូវនាំចុះ Outside ដោយត្រូវបែងចែក និង កំនត់ម៉ោង ហើយសង្កេតមើលសកម្មភាពនៃការផ្ដល់ព័ត៌មានរបស់ពួកគេ ហើយខ្ញុំតែងតែធ្វើតេស្តពីសកម្មភាពនៃការផ្ដល់ព័ត៌មាន បើមានខ្វះខាតខ្ញុំត្រូវផ្ដល់ព័ត៌មានបន្ថែម និង សង្កេតមើលពីភាពលំបាករបស់ពួកគេ ហើយបានស្រាវជ្រាវស្វែងរកកន្លែងដែលល្អសម្រាប់ពួកគេចុះ Outside ។
ប្រសិនបើជាប់ជាយុវជនឆ្នើម ៖
ការដែលនាងខ្ញុំចូលរួមប្រកួតប្រជែងក្នុងកម្មវិធីនេះ នាងខ្ញុំមានសេចក្ដីសង្ឃឹមតិចណាស់ក្នុងការទទួលបានជោគជ័យ ទោះបីខ្ញុំធ្លាប់មានបទពិសោធន៍ប្រហែលជា ៦០% ក៏ដោយ ក៏ខ្ញុំយល់ថាបទពិសោធន៍នេះតិចតួចណាស់ ហើយខ្ញុំតែងតែសួរអ្នកដែលមានបទពិសោធន៍ច្រើនជាងខ្ញុំជានិច្ច ប៉ុន្តែប្រសិនបើនាងខ្ញុំទទួលបានជ័យលាភីសម្រាប់ការប្រកួតប្រជែងនេះ ខ្ញុំពិតជាមានមោទនភាពចំពោះខ្លួនឯងខ្លាំងណាស់ព្រោះការទទួលបានជ័យលាភីនេះជាបទពិសោធន៍សំខាន់ និង មានសារសំខាន់បំផុត ហើយចំពោះគំរោងដែលនាងខ្ញុំមានបំណងគឺ ចង់បង្កើតនូវក្លឹបដែលក្នុងនោះផ្ដោតទៅលើកុមារ និង យុវជន ព្រោះបច្ចុប្បន្នបញ្ហាកើតមានចំពោះកុមារមានមួយចំនួន ជាពិសេស គឺ កុមារដែលរស់នៅក្នុងជីវភាពក្រលំបាក និង ភាពអនាថា ជាកត្តាដែលនាំឲ្យខ្វះចំណេះដឹង ហើយបញ្ហាខ្វះចំណេះដឹងនេះ វាមានផលអាក្រក់ច្រើនណាស់ ហើយចំពោះយុវជនវិញ ក៏ដូចគ្នាដែរ ព្រោះពួកគេគឺជាសសរទ្រូងនៃប្រទេសជាតិ ។
អំពីទស្សនៈវិស័យ ៖
ស្ថានភាពរបស់យុវជនកម្ពុជាក្នុងពេលបច្ចុប្បន្ននេះមានមួយភាគធំមានការរីកចំរើនទាំងចំណេះដឹង និង សមត្ថភាព ព្រោះនៅក្នុងប្រទេសកម្ពុជាយើងមានការបង្កើតនូវអង្គការ សមាគមន៍ ក្រុម ឬ ក្លឹបដោយក្នុងនោះដឹកនាំដោយកុមារ និង យុវជនផ្ទាល់តែម្ដង ។ ខ្ញុំយល់ថាស្ថានភាពយុវជនមានភាពល្អប្រសើរហើយ នៅតែមួយភាគតូចប៉ុណ្ណោះ ដូចនេះយើងគួរតែនាំគ្នាជួយពន្យល់ ផ្សព្វផ្សាយមិនថាតាមមធ្យោបាយណាក៏ដោយឲ្យតែស្របច្បាប់ដើម្បីឲ្យយុវជនទាំងនោះយល់ដឹងពីតម្លៃរបស់ខ្លួន ដោយភាពប្រឹងប្រែងចេះជួយខ្លួនឯងដើម្បីជួយឲ្យគ្រួសារមានភាពថ្លៃថ្នូរ និង សង្គមមានការរីកចំរើន ឲ្យពួកគេដឹងពីតួនាទី និង ការទទួលខុសត្រូវក្នុងការចូលរួមសហការគ្នាអនុវត្តការងារឲ្យបានសម្រេចដល់ទិសដៅដែលបានគ្រោងទុកប្រកបដោយប្រសិទ្ធភាព និង តម្លាភាព ។

កូវ គារ៉ា

doubleu — Sat, 27 Jan 2007 08:30:25 +0000

គារ៉ាមានអាយុ ២៤ឆ្នាំ មានស្រុកកំនើតនៅខេត្តកំពត សព្វថ្ងៃជានិស្សិតឆ្នាំទី៤នៅសាកលវិទ្យាល័យនីតិសាស្ត្រ និងវិទ្យាសាស្ត្រសេដ្ឋកិច្ច ។
មតិក្នុងការជំរុញទឹកចិត្ត ៖
- ចង់បង្ហាញនូវសមត្ថភាពនៃភាពជាអ្នកដឹកនាំឲ្យយុវជនក៏ដូចជាសង្គមកម្ពុជាទាំងមូលបានដឹង និង ទទួលស្គាល់នូវសមត្ថភាពដែលមាន
- ចូលរួមចំណែកក្នុងការបង្ហាញនូវភាពគំរូនៃអ្នកដឹកនាំដល់អ្នកដឹកនាំផ្សេងៗ
- ចែករំលែក និង ស្វែងរកបទពិសោធន៍នៃភាពជាអ្នកដឹកនាំដល់យុវជនខ្មែរដទៃទៀត
- វាស់ស្ទង់នូវសមត្ថភាពដែលខ្លួនមានទៅនឹងយុវជនដទៃទៀតក៏ដូចជាអ្នកដឹកនាំមួយចំនួនផងដែរ
- ចង់ដឹងនូវរបៀបរបប ឬ ក៏និតិវិធីនៃការជ្រើសរើសយុវជនឆ្នើម
- ដើម្បីចូលរួមបង្ហាញនូវភាពជាគំរូដល់យុវជនឲ្យយល់ពីតម្លៃនៃយុវជនឆ្នើម និង ជំរុញឲ្យយុវជនបានយល់ និង ចូលរួមប្រកួតប្រជែង និង បង្ហាញពីសមត្ថភាពរបស់ខ្លួនក្នុងការជ្រើសរើសយុវជនឆ្នើម
- ដើម្បីចូលរួមក្នុងការលើកទឹកចិត្តដល់ក្រុមប្រឹក្សាយុវជនកម្ពុជា ជាពិសេសគណកម្មការរៀបចំកម្មវិធីជ្រើសរើសយុវជនឆ្នើម ។
អំពីភាពជាអ្នកដឹកនាំ ៖
- មានកាយសម្បទាគ្រប់បរិបូរណ៍ និង កំលាំងមាំមួយ សុខភាពល្អ
- ជាមនុស្សដែលមានចំណេះដឹងខ្ពង់ខ្ពស់ ស្គាល់បញ្ហា និង តម្រូវការរបស់សង្គមដែលខ្លួនគ្រប់គ្រង
- ជាមនុស្សទៀងត្រង់ និង ចេះបត់បែនតាមកាលៈទេសៈ
- ជាមនុស្សមានការតស៊ូ អំណត់ព្យាយាម ភាពក្លាហាន និង ឆ្លងកាត់បទពិសោធន៍ច្រើន
- ជាមនុស្សមានតម្លាភាព និង សុច្ចរិតភាពក្នុងខ្លួន មិនកេងប្រវ័ញ្ច មិនគិតពីប្រយោជន៍ផ្ទាល់ខ្លួន
- ជាមនុស្សដែលមានគំនិតច្នៃប្រឌិតខ្ពស់ និង មើលឃើញពីភាពវែងឆ្ងាយ
- មានភាពចាស់ទុំក្នុងការដឹកនាំ និង ចេះដឹងពីច្បាប់ទម្លាប់សង្គមជ្រៅជ្រះ
- ជាមនុស្សដែលមានការសន្ដោសដោយបច្ច័យ ៤ និង ព្រហ្មវិហារធម៌ក្នុងខ្លួន
- ជាមនុស្សដែលចេះឃុំគ្រងអារម្មណ៍ក្នុងខ្លួន និង ស្ថានការណ៍នានា ។
អំពីបទពិសោធន៍ ៖
- ធ្វើជាអ្នកសម្របសម្រួលសិក្ខាសាលាស្ដីពី គ្រឿងញៀន និង សុខភាពរបស់យុវជន
- តួនាទីជាមិត្តអប់រំមិត្តនៅក្នុងសហគមន៍
- ដឹកនាំយុវជនចុះបង្រៀនពីបញ្ហាសុខភាព និង បរិស្ថាន
- ដឹកនាំក្រុមចុះផ្សព្វផ្សាយ និង ចែកខិតប័ណ្ណស្ដីពីការប្រឆាំងអំពើពុករលួយ
- ដឹកនាំយុវជនចូលរួមសិក្ខាសាលាស្ដីពី គុណភាពអប់រំនៅឧត្ដមសិក្សា
- ដឹកនាំក្រុមរៀបចំសន្តិសុខ និង សណ្ដាប់ធ្នាប់ថ្ងៃទិវាសិទ្ធិមនុស្ស ១២ ធ្នូ
- ដឹកនាំក្រុមយុវជនចុះសុំហត្ថលេខា និង ការគាំទ្រញ្ញត្តិផ្សេងៗ
- ដឹកនាំក្រុមនិស្សិតចុះសិក្សា និង ស្រាវជ្រាវឯកសារនៅធនាគារពិភពលោក ធនាគារអភិវឌ្ឍអាស៊ី និង ក្រសួងពាណិជ្ជកម្ម ព្រមទាំងនាយកដ្ឋានជលផលនៃក្រសួងកសិកម្ម រុក្ខាប្រមាញ់ និង នេសាទ ។
ប្រសិនបើជាប់ជាយុវជនឆ្នើម ៖
ខ្ញុំនឹងបន្តធ្វើនូវសកម្មភាពកន្លងមកនេះ ក្នុងនាមខ្ញុំជានិស្សិត និង ជាយុវជនមួយរូបក្នុងសង្គម ជួយលើកទឹកចិត្ត និង ជំរុញឲ្យយុវជនកម្ពុជាគ្រប់រូបបានចូលរួមនូវសកម្មភាពរបស់សង្គម និង ការសម្រេចចិត្តផ្សេងៗរបស់រដ្ឋាភិបាលតាមរយះជាសារ ឬ ជាសម្លេងផ្ទាល់របស់យុវជន ហើយនឹងរៀបចំសមាជយុវជនថ្នាក់ជាតិមួយ ដែលមានការចូលរួមពីសំណាក់យុវជនជាតិ និង អន្តរជាតិ ហើយនឹងអញ្ជើញអ្នកតំណាងសំខាន់ៗ ដែលទាក់ទងនឹងកម្មវិធីយុវជនឲ្យមកចូលរួមដូចជា តំណាងរដ្ឋាភិបាលកម្ពុជា ព្រឹទ្ធសភា រដ្ឋសភា អង្គការសង្គមស៊ីវិលនានា ប្រចាំនៅកម្ពុជា ពិសេសតំណាងអង្គការសហប្រជាជាតិដែលទាក់ទងយុវជន ដើម្បីឲ្យយុវជនសម្ដែងនូវការបារម្មណ៍ កង្វល់ ការលំបាក និង បញ្ហានានាដែលយុវជនកំពុងជួបប្រទះនៅពេលបច្ចុប្បន្នទៅរដ្ឋាភិបាល និង តំណាងសង្គមស៊ីវិល និង អង្គការសហប្រជាជាតិឲ្យគេបានយល់ពីស្ថានភាពពិតរបស់យុវជនកម្ពុជា ពិសេសធ្វើការដោះស្រាយដែលប្រកបដោយប្រសិទ្ធភាព និង តម្លាភាពឲ្យយុវជន ។
អំពីទស្សនៈវិស័យ ៖
ស្ថានភាពយុវជនកម្ពុជាបច្ចុប្បន្ន កំពុងជួបប្រទះបញ្ហាជាច្រើនដោយធ្វើការពិនិត្យជារួម អំពីយុវជនដែលស្ថិតនៅតំបន់ជនបទ និង ខេត្តឆ្ងាយៗ កំរិតចំណេះដឹងនៅទាបនៅឡើយ ពួកគេពុំមានលទ្ធភាពធ្វើការងារ ឬ ប្រកបអាជីវកម្មខ្លួនឯងបានទេ ដោយសារតែអសមត្ថភាព កង្វះសាលារៀន កង្វះអាហាររូបត្ថម្ភ និង ស្ថានភាពក្រីក្រនៃប្រទេសកម្ពុជាបច្ចុប្បន្ន ហើយសម្រាប់យុវជននៅទីក្រុង និង និស្សិតដែលសិក្សានៅតាមសកលវិទ្យាល័យផ្សេងៗវិញ មានមួយចំនួនកំពុងតែធ្លាក់ចូលក្នុងផ្លូវមួយដែលសង្គមស្អប់ខ្ពើម និង មិនទទួលស្គាល់ និង ការធ្លាក់ចុះនៃសីលធម៌របស់យុវជន ។
ដើម្បីធ្វើឲ្យយុវជនប្រសើរឡើង គឺត្រូវកាត់បន្ថយភាពក្រីក្រ ឲ្យយុវជនបានចូលសិក្សាដើម្បីឲ្យយុវជនទទួលចំណេះដឹងដែលជាតិត្រូវការជាចាំបាច់ និង ធ្វើការអប់រំ និង ផ្សព្វផ្សាយពីគ្រឿងញៀន អេដស៍ និង សុខភាពបន្តពូជ ឲ្យបានទូលំទូលាយដល់យុវជននៅតាមមូលដ្ឋានដែលគេកំពុងរស់នៅ ។

យុវជនឆ្នើម

សបា្តហ៍ទី៨៖ អ្នក​ដែល​ក្លាយ​ជា​យុវ​ជន​ឆ្នើម…

តើ​រូប​គំនូរ​មួយ​ណា​ដែល​អ្នក​ចូល​ចិត្ត?

សប្តាហ៍ទី​៦

សប្តាហ៍ទី៥

សបា្តហ៍ទី៤

សបា្តហ៍ទី៣

សបា្តហ៍ទី២

សបា្តហ៍ទី១​

ហ៊ុល​ ស្រី​នាង​

កូវ​ គារ៉ា

សបា្តហ៍ទី៨៖ អ្នកដែលក្លាយជាយុវជនឆ្នើម…

តើរូបគំនូរមួយណាដែលអ្នកចូលចិត្ត?

សប្តាហ៍ទី៦

សបា្តហ៍ទី១

ហ៊ុល ស្រីនាង

កូវ គារ៉ា