ភារៈមានអាយុ២២ឆ្នាំ មានស្រុកកំនើតនៅក្នុងខេត្តពោធិ៍សាត់ សព្វថ្ងៃជានិស្សិតនៅសាកលវិទ្យាល័យអាស៊ានឆ្នាំទី៣ ។
មតិរបស់សួនចំរើនភារៈ ៖
កត្ដាដែលជំរុញទឹកចិត្តខ្ញុំអោយចូលរួមក្នុងការប្រកួតនេះមាន ៖
– ចង់បង្ហាញសមត្ថភាពអោយគេដឹងក៏ដូចជាខ្លួនឯងបានដឹងថា តើខ្លួនឯងមានគុណសម្បត្តិ និង គុណវិប្បត្តិជាអ្នកដឹកនាំយ៉ាងដូចម្ដេចខ្លះ
– ចង់បាននូវបទពិសោធន៍ និង ចំនេះដឹងផ្សេងៗទាក់ទងនឹងភាពជាអ្នកដឹកនាំ និង វិធីសាស្ត្រសំរាប់ដឹកនាំ ។
– ចង់បាននូវការទទួលស្គាល់ជាស្ដង់ដារនូវភាពជាអ្នកដឹកនាំដើម្បីអោយខ្លួនក្លាយជាអ្្នកដឹកនាំនៅថ្ងៃអនាគត់ ។
– ដើម្បីហាត់ពត់ និង លត់ដំបន្ថែមនូវចំនុចខ្សោយរបស់ខ្លួនដើម្បីអោយខ្លួនក្លាយជាអ្នកដឹកនាំដ៏ឆ្នើមនៅថ្ងៃអនាគត់ និង ដើម្បីដឹកនាំសង្គមក៏ដូចជាប្រទេសជាតិអោយមានការរីកចំរើន និង ឧត្ដមរុងរឿង ។
– ចង់ក្លាយជាគំរូនៃអ្នកដឹកនាំដើម្បីអោយប្រទេសកម្ពុជាមានអ្នកដឹកនាំដ៏ល្អ និង ដើម្បីអោយប្រទេសកម្ពុជាទទូលសន្ដិភាព និង ភាពថ្កុំថ្កើង ។
ភាពជាអ្នកដឹកនាំ ៖
លក្ខណៈរបស់អ្នកដឹកនាំល្អម្នាក់គួរមានគុណសម្បត្តិ ៖
– មានកាយសម្បទាល្អ សុខភាពល្អ អត្តចរឹកល្អ អាកប្បកិរិយាល្អ ។
– មានសមត្ថភាព មានចំនេះដឹង មានបញ្ញាឈ្លាសវៃ ឬ ឧត្តមគតិខ្ពស់ក្នុងការដឹកនាំមិនគិតពីប្រយោជន៍ផ្ទាល់ខ្លួន ។
– មានចិត្តស្មោះត្រង់ គុណធម៌ល្អ មានចិត្តសប្បុរស យុតិ្តធម៌ដោយប្រកាន់យកលទ្ធិប្រជាធិបតេយ្យ មានចិត្តអត់ធ្មត់ក្នុងការងារ ។
– មានចិត្តក្លាហាន ម៉ឺងម៉ាត់ មានការទទួលខុសត្រូវរាល់កិច្ចការងារ ។
– យល់ពីតំរូវការរបស់សមាជិក ឬ ក្រុមការងារ ស្គាល់កាលៈទេសៈ ចេះបត់បែនតាមស្ថានការណ៍ ចេះទទួលស្គាល់ការពិត បើចេះមើលចិត្តមនុស្សកាន់តែល្អ ។
– ចេះអត់អោនអ្នកក្រោមបង្គាប់ខ្លួន យល់ដឹងពីច្បាប់បានទូលាយ ។
បទពិសោធន៍ផ្ទាល់ខ្លួន៖
សកម្មភាព ឬ បទពិសោធន៍ជាអ្នកដឹកនាំ ឬ ធ្លាប់បានចូលរួមការងារសង្គមមាន ៖
– ដឹកនាំក្រុមដង្ហែរក្បួនស្ដីពីជំងឺអេដស៍ សិទ្ធិមនុស្ស ទប់ស្កាត់អំពើហិង្សា ទប់ស្កាត់ការបំពុលបរិស្ថាន យ៉េនឌ័រ និង កូដកម្មដំឡើងប្រាក់ខែកម្មករ ។
– ដឹកនាំក្រុមចុះសិក្សា និង ស្រាវជ្រាវស្ដីពី ទំនាស់ដីធ្លី (ភ្នំពេញថ្មី ភូមិសំបុកចាប) ស្ថានភាព និង ជីវភាពរស់នៅរបស់ប្រជាជន (ភូមិរកាខេត្តកណ្ដាល) ការបាត់បង់ព្រៃឈើ (ត្រាំកក់ ខេត្តកំពុងស្ពឺ) ការរំលោភសិទ្ធិមនុស្ស (សហជិពកម្មករ ភូមិ៧៨) ការប្រើប្រាស់អំពើហិង្សា (ភូមិរកា ខេត្តកណ្ដាល)។
– ដឹកនាំក្រុមចុះបង្រៀន និង បើកសិក្ខាសាលាស្ដីអំពី យុវវ័យ និង សីលធម៌ (វិទ្យានកាមិតក្រោយសណ្ឋាគាភ្នំពេញ) ការអភិវឌ្ឍន៍ខ្លួនឯង និង តំលៃក្នុងសង្គម (សហការជាមួយអង្គការម៉ាវិណុលនៅអន្លុងក្រង៉ាន) ការទប់ស្កាត់អំពើហិង្សាដោះស្រាយទំនាស់ និង ច្បាប់នៃអំពើហិង្សា (នៅភូមិរកា ខេត្តកណ្ដាល)
– ដឹកនាំក្រុមសំដែងឈុតខ្លីៗស្ដីពី ជំងឺអេដស៍ (ប៉ុស្តិ៍លេខ៩) យុវជន និង ការងារធ្វើ (កំពង់សោម) សិទ្ធិសេរីភាពយុវជនទាក់ទង និង សុខភាពបន្ដពូជ និង ជំងឺអេដស៍ (ប៉ុស្ដិ៍លេខ៩) នៅមានច្រើនទៀត ។
ប្រសិនបើជាប់ជ័យលាភី ៖
ខ្ញុំបាទមានក្រុមយុវជនពីរក្រុមគឺក្រុមទី១ឈ្មោះ SPAD=Student four Peace and Development ក្រុមនេះធ្វើការលើការកសាងសន្ដិភាព និង អំពើហិង្សាក្នុងគ្រួសារ ចំនែកក្រុមទី២គឺក្រុម VWB = Volunteer Without Border ក្រុមនេះធ្វើការលើការជួយសង្រោះកុមារ ។ ដូចនេះបើពេលអនាគត់ខ្ញុំបានទទួល
ជ័យលាភីពីការប្រកួតប្រជែងនេះ នោះខ្ញុំនឹងពង្រីកក្រុមទាំងពីរនេះអោយកាន់តែខ្លាំងក្លាបំផុត ។លើសពីនេះទៅទៀតខ្ញុំបាទនឹងចូលរួមអភិវឌ្ឍន៍ និង កសាងប្រទេសកម្ពុជានេះអោយក្លាយជាប្រទេសមួយដែលប្រកបដោយអហិង្សាសកម្ម និង សន្ដិភាពពេញលេញ ។
អំពីទស្សនៈវិស័យ ៖
តាមគំនិតរបស់ខ្ញុំ ខ្ញុំយល់ឃើញថាប្រទេសកម្ពុជាជាប្រទេសមួយដែលមានប្រជាជនសរុបចំនួនជាង ១៣ លាននាក់ក្នុងនោះដែរយុវជនគឺមានចំនួន ៧០% ទៅហើយប៉ុន្ដែចំនួនយុវជនទាំងអស់នោះគួរតែទទួលបានការយកចិត្តទុកដាក់អោយខ្លាំងក្លាតែផ្ទុយទៅវិញពួកគេមិនបានទទួលអ្វីសោះពីប្រទេសជាតិពួកគេបែរជាទទួលបានការប្រើប្រាស់សំរាប់ជាឈ្នាន់ទៅតាមវិស័យផ្សេងៗទៅវិញ ។ ជារៀងរាល់ឆ្នាំមានយុវជនច្រើនធ្វើចំនាកស្រុកទៅរកការងារនៅក្រៅប្រទេស (ក្នុងនោះមិត្តភក្តិខ្ញុំក៏មានជាង ៣០ នាក់ដែរ) ។ លទ្ធិផលរបស់ពួកគេទាំងនោះគឺអ្នកខ្លះត្រូវបានសំលាប់នៅតាមជាយដែន អ្នកខ្លះញៀនថ្នាំ អ្នកខ្លះកើតអេដស៍ អ្នកខ្លះចាញ់ស្លាប់ពេលត្រឡប់មកដល់ផ្ទះវិញ អ្នកខ្លះពិការព្រោះត្រូវទារណ្ឌកម្មផ្សេងៗពេលគេចាប់បាន…..។ ចំនែកយុវជនផ្សេងដែលបានទៅធ្វើការចំនាកស្រុកទេនោះអ្នកខ្លះគ្មានការងារធ្វើនាំគ្នាទទួលទានស្រាបង្កបញ្ហាបងតូចបងធំហើយបង្កអសន្ដិសុខដល់សង្គម ។ ចំនែកឯយុវជននៅទីក្រុងភាគច្រើនជាសិស្ស និង និស្សិតដែលព្យាយាមក្រេបជញ្ជក់ចំនេះដឹង និង បទពិសោធន៍ ។ មិនតែប៉ុន្នោះពួកដើរស្ម័គ្រចិត្តអស់រាប់ឆ្នាំនៅគ្មានការងារដែលបានកំរៃសំរាប់ផ្គត់ផ្គង់ខ្លួនគេបាន (ជាក់ស្ដែង ដូចជារូបខ្ញុំស្ម័គ្រចិត្តអស់រយៈពេល ៣ឆ្នាំ) ។
ក្នុងនាមខ្ញុំជាកូនខ្មែរមួយរូបដែរ ខ្ញុំសូមចូលរួមសម្តែង និងអបអរសាទរនូវស្មារតីស្នេហាជាតិ ស្នេហាសង្គម…របស់លោក។ សូមជូនពរឱ្យលោកទទួលជោគជ័យ និងបានសម្រេចគ្រប់បំណងប្រាថ្នាដើម្បីចូលរួមចំណែកជួយស្រោចស្រង់ជាតិរបស់យើង។ សង្គមរបស់យើងបើសិនជាមានមនុស្សច្រើន ដែលមាននូវឆន្ទៈ និងស្មារតីសេ្នហាជាតិដូចជារូបលោក នូវសង្គមរបស់យើងពិតជាទទួលបាននូវភាពសុខសាន្ត និងអភិវឌ្ឍន៍ជឿនលឿនដូចបណ្តាប្រទេសដទៃទៀតក្នុងសកលលោក ហើយប្រជាពលរដ្ឋខ្មែរពិតជាបានរស់នៅក្នុងសង្គមដ៏ជឿនលឿន៕
ពិតជាល្អ